1. Ըստ կարգի՝ հերթականության՝ հաջորդականության վերջում գտնվող՝ եղող՝ տեղի ունեցող: Շարասյան վերջին շարք: Հանդիսասրահի վերջին կարգ: 2. Ըստ Ժամանակի ամենից ուշ երևան եկող՝ եկած, հետին: Վերջին ժառանգ: Վերջին դեպքեր՝ իրադարձություններ՝ ճակատամարտ: 3. Գոյության՝ կյանքի վերջում եղած՝ տեղի ունեցած՝ զուգադիպած (եղող՝ տեղի ունեցող՝ զուգադիպող), նախամահվան: Կյանքի վերջին ժամ: Դա նրա վերջին ճիչն Էր: 4. Մնացած, մի բանի վերջում մնացած՝ պահված, սպառվելուց՝ ավարտվելուց առաջ եղած՝ մնացած: Վերջին պատառ հացը նա անապաստան երեխային տվեց: 5. Մի բանի անցնելուց՝ վերանալուց՝ ցրվելուց հետո պահպանված՝ մնացած միակը՝ եզակին հանդիսացող: Վերջին մոհիկանը: Վերջին ամպը դեռ սահում Էր դեպի վեր: 6. Նախորդ, նախընթաց: Վերջին ժողովում նրանք վիճեցին բրիգադում տիրող անաոողջ մթնոլորտը վերացնելու հարցը քննելիս: 7. Անմիջականորեն մի բանի նախորդած՝ նախորդող: Նրան հավասարակշռությունից հանողը այդ վերջին հարցն Էր: Վերջին սահմանումից ինքնին բխում Է, որ...: 8. Ծայրահեղ, ծայրագույն: Մենք չենք վախենում լեռներից, բեռներով գնում ենք... դրսևորելով մարդկային տոկունության վերջին սահմանը (Տենցինգ): 9. Որևէ բանի ավարտական փուլը՝ մասը՝ պահը ներկայացնող: Մրցորդների վերջին հանդիպում: 10 . Վերջնական, վճռական: Սա Է վերջին կռիվը և պայքարը մեր մեծ (Ինտերնացիոնալ): 11. Վերջնական, անփոփոխելի, անառարկելի, զիջումներ՝ փոփոխություններ չթույլատրող՝ չընդունող: ՉԷ՞ որ դա վերջին վճիռն Է: 12. Բոլորից աննշան, վատթար, վատ, հետին: Վերջին ստահակն Էլ այդպես չի վարվի: Դասարանի վերջին աշակերտ: 13. Անպատշաճ, անվայել: Վերջին խոսքերով անպատվեց նրան: 14. Որպես փոխանուն գոյական՝ ա) Բոլորից հետո եղողը՝ եկողը՝ այսպես կամ այնպես վարվողը, բ) Նախընթաց խոսքում հիշվածը, հենց նոր հիշվածը (առավելապես՝ -ս հոդով): Վերջինս չէր ուզում համաձայնել: Վերջինները զրկեցին նրան թե՛ աչքից և թե՛ գահից (Րաֆֆի):

     Translate using google