ԱՆԸՆԴՄԻՋԱԲԱՐ մ. Որ եւ ԱՆՄԻՋԱԲԱՐ. Առանց ընդ մէջ մտանելոյ այլոյ իրի կամ միջոցի. անդէն մերձ կալով. հուպ առ նմին. քովէն. ...
*Անընդմիջաբար եղեն առ ոմանս երեւմունք: Նախ քան զայլսն անընդմիջաբար միաւորիլ: Առ Աստուած անընդմիջաբար հաստատեալ (Փիլոն Եբրայեցի):
*Մերձաւորապէս ասի յորժամ անընդմիջաբար ի նո՛յնն ի նոցանէ ինչ լինի (Գրիգոր Նիւսացի, Գիրք յաղագս բնութեան):
*Անընդմիջաբար առնուն յԱստուծոյ զհեղումն շնորհաց (Խոսրով Անձեւացի, Մեկնութիւն գրոց ժամակարգութեան):
*Զմիշտ մերձաւորագոյնսն անընդմիջաբար Աստուծոյ (Ներսէս Շնորհալի, Ներբող հրեշտակաց):
*Անընդմիջաբար խօսել (Իգնատիոս Վարդապետ, Ներսէս Լամբրոնացի):
*Առժամայն իսկ անընդմիջաբար եհան զնոսա ի Բեթանիա (Իգնատիոս Վարդապետ, Մեկնութիւն Սրբոյ Աւետարանին, որ ըստ Ղուկասու):
ԱՆՄԻՋԱԲԱՐ. Տ. ԱՆԸՆԴՄԻՋԱԲԱՐ.
*Անմիջաբա՞ր աստուած ստեղծանէ, թէ միջնորդութեամբ բնութեանն (Դաւիթ Անյաղթ, Լուծմունք հինգ ձայնից Պորփիւրի):
*Անմիջաբար յիմանալիսն կոյս յարձակիլ տեսութիւնս (Դիոնեսիոս Արեոպագացի, Յաղագս երկնային քահանայապետութեանց):
*Րաբունական սիրոյն տիպար կացուցանէ անմիջաբար: Խորհրդոցն աստուածայնոց անմիջաբար խորհրդածուք (Ներսէս Շնորհալի):
ԱՆՄԻՋԱԿԱԲԱՐ - Տ. ԱՆԸՆԴՄԻՋԱԲԱՐ.
*Ոչ անմիջակաբար խօսի ընդ ամբոխի, այլ կացուցանէ իշխանս ի վերայ (Դաւիթ Անյաղթ, Սահմանք իմաստասիրութեան, ԺԱ):
*Ի գոյեղից անմիջակաբար ?ի մակագոյեղս գոլ (այսինքն գալ) ոչ էր կարողութիւն (Դաւիթ Անյաղթ, Լուծմունք հինգ ձայնից Պորփիւրի):
ԱՆԸՆԴՄԻՋԵԼԻ մ. Որպէս անընդմիջաբար.
*Հոգւոյդ առաջնորդութեամբ միանալ ի քեզ անընդմիջելի (Գրիգոր Նարեկացի, Մատեան, ՂԲ):
ԱՆՄԻՋՆՈՐԴ, ԱՆՄԻՋՆՈՐԴԱԲԱՐ. Առանց միջնորդի. անընդմիջաբար.
*Զոր առեալ էր միջնորդօք, կամի՝ զի առցէ անմիջնորդ (Վարդան Վարդապետ, Մեկնութիւն Ծննդոցի):
*Եւ վասն է՞ր անմիջնորդաբար որդի աստուծոյ շարադասի՝ ոչ ուրուք ընդմիջեցելոյ (Կիւրէղ Աղեքսանդրացի, Գիրք պարապմանց, ԼԹ):
*Ի հօրէ առանց միջնորդի (այսինքն անմայր) ... Ի մօրէ՝ անմիջնորդաբար (այսինքն անհայր) (Խոսրովիկ Թարգմանիչ):
*Յեղելոցս ոչ ինչ է՝ զոր կամելն աստուծոյ ոչ միջնորդեաց. ո՛չ ուրեմն վասն անմիջնորդաբար լինելոյն՝ վասն այսորիկ միածին, այլ վասն միայն գոլոյն նորա պտուղ հայրական (Կիւրէղ Աղեքսանդրացի, Գիրք Գանձուց):