Թիավարությունը նավը թիակների օգնությամբ ջրի երեսին տեղափոխելու միջոց է, որը կատարվում է մարդու մկանների աշխատանքի հաշվին: Այն բաժանվում է երկու խմբի` ակադեմիական (թիակալներով նավերով) և առանց թիակալ նավերով:
13-րդ դարում Վենեցիական կառնավալներն իրենց մեջ ներառում էին թիավարության մրցումներ: Առաջին հայտնի ժամանակակից մրցույթները համարվում են պրոֆեսիոնալ մակույկավարների միջև մրցարշավները, ովքեր սպասարկում էին Լոնդոնի Թեմզա գետի հատումը:
Ակադեմիական թիավարությունը առաջացել է Մեծ Բրիտանիայում 19-րդ դարի առաջին կեսում: Ներկայումս հայտնի Օքսֆորդ-Քեմբրիջ մրցարշավը առաջին անգամ անցկացվել է 1829 թվականին: Հետագայում ակադեմիական թիավարությունը տարածվել է Հյուսիսային Ամերիկայում և Եվրոպայում: 1893 թ.-ից անցկացվում են Եվրոպայի առաջնությունները, 1902 թ.-ից` աշխարհի առաջնությունները, իսկ 1900 թ-ից համարվում է օլիմպիական մարզաձև:
Թիավարությունը բայդարկայով կամ կանոեով առաջացել է Եվրոպայում 19-րդ դարի կեսերին(սկզբից բայդարկայով, հետո կանոեով): 1924 թ.-ին ստեղծվել է ICF(կանոեի միջազգային ֆեդերացիա), 1938 թ.-ից անցկացվում են աշխարհի առաջնություններ, 1957 թ.-ից` Եվրոպայի առաջնություններ, 1936 թ.-ից համարվում է օլիմպիական մարզաձև:
Դասերը, որոնց պատկանում է |
Ենթատեսակները |
Ոլորտում առկա հասկացողությունները |