Իզոտոպը քիմիական տարրի ատոմների (միջուկների) տարատեսակ է, որոնց կարգաթիվը նույնն է, իսկ զանգվածային թիվը՝ տարբեր՝ ի հաշիվ միջուկում ավելորդ նեյտրոնների առկայության: Այս ավելորդ նեյտրոնները չեն փոխում նյութի քիմիական հատկությունը: Քանի որ այդ հատկությունները որոշվում են միայն ատոմի արտաքին էլեկտրոնային թաղանթում առկա էլեկտրոնների թվով: Ատոմի ընդհանուր էլեկտրոնների քանակը ատոմին տալիս են բացասական լիցք, սակայն մենք գիտենք, որ ատոմը չեզոք է: Չեզոքությունը ապահովվում է միջուկում առկա պրոտոններով, որոնց քանակը և լիցքը հավասար է էլեկտրոնների քանակին և լիցքին համապատասխանաբար: Քանի որ նեյտրոնները չեզոք մասնիկներ են, նրանց առկայությունը միջուկում չի կարող փոփոխել ատոմի լիցքային բալանսը, չի կարող փոխել ատոմի էլեկտրոնների քանակը, ուրեմն չի կարող փոխել ատոմի քիմիական հատկությունները:
Դասերը, որոնց պատկանում է |
Ենթատեսակները |
Ոլորտում առկա հասկացողությունները |