Բացատրություն
1. Որևէ կարգի նիշ՝ առարկա՝ պատկեր ևն, որ ծառայում է որևէ բան նշանակելու համար: Այդ ցեղի մարդկանց համար ճանապարհի երկայնքով դրված ճյուղը նշան Է և նշանակում Է՝ <<Մի՛ գա իմ ետևից>> կամ <<Ճանապարհը վտանգավոր Է>>:
2. Որևէ պայմանական նշանակություն ունեցող գծագրություն՝ պատկեր ևն: Մաթեմատիկական նշաններ: Տառերը հնչյունների գրային պայմանական նշաններ են:
3. Որևէ բանի վրա արված պայմանական նիշ՝ դրոշմ՝ պատկեր ևն, որ ծառայում է իբրև մի բանի նշան՝ ցուցիչ: Անվան առաջ կարմիր նշան Էր դրված (Ս. Խանզադյան):
4. Գլխի՝ ձեռքի ևն շարժում, որով մի բան են հայտնում: Գլխով համաձայնության նշան արեց:
5. Որևէ բանի արտահայտություն՝ վկայություն՝ դրսևորում, որևէ բան ցույց տվող արտաքին երևույթ: Զայրույթի՝ սիրո՝ ատելության նշան:
6. Տարբերակիչ հատկանիշ՝ առանձնահատկություն, որով կարելի է մեկին կամ մի բան ճանաչել՝ մյուսներից զանազանել ևն: Հեռուստացույցով հայտարարեցին հանցագործի նշանները:
7. Լուսային՝ ձայնային՝ տեսողական ևն ազդանշան: Նրանք լարված ուշադրությամբ հետևում Էին հեռվից դրոշակներով տրվող նշաններին:
8. Բնության երևույթների մեջ տեղի ունեցող փոփոխություն կամ որևէ երևույթի առաջացում, որ ենթադրում է այս կամ այն կարգի եղանակը՝ տարերքը ևն: Մեր կողմերում հանկարծական քամու ուժեղ հոսանքը մթնոլորտային տեղումների նշան Է:
9. Հատկանիշ, որևէ բանի բնորոշ առանձնահատկություն: Մնջությունն Էլ նշան հո չի՞ մի գովելի հատկության (Հ. Հովհաննիսյան):
10. Նշանադրության ժամանակ փեսայի կողմից կամ առհասարակ՝ սիրած աղջկան տղայի կողմից տրվող մատանի՝ զարդ ևն, իբրև նշանվելու գրավական:
11. Նշանառության առարկա, թիրախ: Մի տեղ խնձորը նշան են խփում, մի տեղ մատաղը դեռ նոր են եփում: (Վ. Միրաքյան):
12. Տոհմանշան, զինանշան: Դա Արծրունիների հատուկ նշանն Էր, որ դրված Էր նրա բոլոր քաղաքների և պալատների դռների մոտ (Րաֆֆի):
13. Որևէ իր՝ առարկա ևն, որ մեկը իր հանձնակատարին տալիս է իբրև հավաստիք այն բանի, որ հանձնակատարն իրոք իր կողմից է ուղարկված ու լիազորված: Սուրհանդակը որպես նշան ներկայացրեց տիրոջ մատանին, որ քաջ ծանոթ Էր Գայանեին:
Translate using google
[имя существительное]
Դասերը, որոնց պատկանում է
|
|
Ենթատեսակները |