1. Բույսերի ծաղկի սերմնարանից զարգացող գոյացություն, որի մեջ ներփակվում են սերմերը:
2. Որոշ բույսերի այդպիսի համեղ հյութալի գոյացությունը, որպես ուտելիք, թարմ միրգ:
3. Կենդանածինների սաղմը մայրական օրգանիզմում մինչև ծնվելը, սաղմ:
4. (փոխաբերական) Բերք: Մինչև ցորենը հողում չի մեռնում, մեկը հազարի պտուղ չի բերում (Հ. Հակոբյան):
5. (փոխաբերական) Ծնունդ, զավակ: Նրա ազնիվ պտուղն է իմ Անուշավան որդին (Ն. Զարյան):
6. (փոխաբերական) Աշխատանքի՝ մտքի գործունեության արդյունք, արգասիք: Այդ հոյակապ գիրքը նրա տքնաջան աշխատանքի պտուղն է:
7. (փոխաբերական) Որևէ բանի հետևանք՝ արդյունք, որևէ բանից ծագած երևույթ՝ իրողություն ևն: Մենք ճաշակում ենք մեր հին սխալների դառն պտուղները (Րաֆֆի):
8. (ժողովրդական) Աչքի բիբ:
9. (ժողովրդական) Խաղողի հատ՝ հատիկ:
10. (փոխաբերական) Գործածվում է որևէ հատկանիշով բնութագրվող (առավելապես՝ ժխտական բայով կամ հեգնական առոգանությամբ) անձի կամ առարկայի անորոշ դերանվան նշանակությամբ, արարած, էակ, բան: Շատ բարի պտուղն էր: Դու էլ մի բարի պտուղ չես: Սիրտ, խրատվող պտուղ չես դու (Հ. Սահյան):
11. (պատմական) Կալվածատիրոջը տրվող բերքի որոշ մաս (որպես տուրք), բահրա, հաս:
Դասերը, որոնց պատկանում է |
Ենթատեսակները |
միրգ
,
անտառապտուղ
,
ծառից թափված տերև
,
գայլախնձոր
,
բարդ պտուղ
,
դափնեպտուղ
,
արջատխիլ
,
մուրտ
,
արմավ
|
Բաղադրիչ մասերը |
Ոլորտում առկա հասկացողությունները |