Հանրագիտարանում բերված են իրական աշխարհի հասկացությունները և որոշ հանրահայտ օբյեկտներ: Նրանց հատկությունները ներկայացվում են իրենց կապերով, որոնք ցուցում են, թե տվյալ հասկացությունը (օբյեկտը) որ դասին է պատկանում, ինչպիսի ենթատեսակներ ունի, ինչպիսի բաղադրիչ մասեր ունի և իր հետ կապված ինչպիսի օբյեկտներ կան իր գործածման ոլորտում: Այսպիսով, հանրագիտարանը ներկայացնում է ցանց, որի հանգույցները իրական աշխարհի հասկացություններն են: Այդ հասկացություններն ուսումնասիրելու համար կարելի է նրանց ակտիվացնել անմիջապես, search պատուհանում նշելով նրանց անունը, կամ ընթացիկ ակտիվ օբյեկտից վերոհիշյալ ցանցի ճյուղերով կատարել տեղաշարժ դեպի իր հետ կապված մեկ այլ հասկացություն (մկնիկով նշելով պատուհանի աջ եզրում բերվող իր հետ կապված հասկացություններից ցանկալին): Նման ձևով ցանցում տեղաշարժի հետագիծը նշվում է պատուհանի վերևում բերված ցուցակում: Կա հնարավորություն կատարել վերադարձ անցած ճանապարհի ցանկացած կետ: Էջը բացելիս ավտոմատ կերպով ակտիվ է համարվում հանրագիտարան օբյեկտը, որից կարելի է կատարել տեղաշարժ դեպի մասնագիտացված հանրագիտարաններ և ապա առարկայական աշխարհի ցանկացած տիրույթ:
Այս հանրագիտարանը ուսումնական բնույթի է: Նրա ուսումնական առարկաները ներկայացնող հանգույցներում բերվում են լեկցիոն կուրսեր, դասագրքային նյութեր, որոնց ընթերցման ժամանակ ուսանողը (աշակերտը) հնարավորություն ունի ստանալ ընդլայնված բացատրություն տեքստում առկա ցանկացած բառի (տերմինի) մասին` մկնիկով կտտացնելով նրա վրա կամ copy - paste օպերացիայով այդ բառը տեղափոխելով որոնում (search) պատուհանի մեջ: Այդ ընդլայնված բացատրությունները բերվում են հանրագիտարանում առկա այլ միավորներից: