ԱՆՄԷՏ Տ. ԱՆՄԻՏԵԼԻ.
*Աբրահամ հաստատեալ անյեղ եւ անմէտ խորհրդով հաւատոց: Եկաց մնաց անմէտ, որպէս եւ յառաջն էր (Փիլոն Եբրայեցի, Յաղագս լինելութեան, Վարք իմաստնոց):
ԱՆՄԻՏԵԼԻ ա. որ եւ ԱՆՄԷՏ. Որ չունի միտել եւ հակիլ ի կայից կամ ի մտաց. անյեղլի. անյեղլի. անմեղկելի.
*Անտեղի տալի բարուք, եւ անմիտելի ... եկաց մնաց անմէտ (Փիլոն Եբրայեցի, Վարք իմաստնոց):
ԱՆՄՈԼԱՐ (ի, ից կամ աց.) ա. որ եւ ԱՆՄՈԼՈՐ Որ չէ մոլար. ոչ մոլորեալ. անսխալ. անխոտոր. ուղիղ. ողջամիտ. ... *Հօտ անմոլար (Շարական):
*Վերատեսուչք անմոլարք (Գրիգոր Նարեկացի, Գովեստ առաքելոց):
*Անմոլար վկայ (Կիւրէղ Երուսաղեմացի, Կոչումն ընծայութեան, ԺԶ):
*Արար ուրախութիւն անմոլարիցն (ոչխարաց) (Ներսէս Շնորհալի, Ներբող հրեշտակաց):
*Զմոլորեալն յանմոլար հաստատութիւնն ածել (Փիլոն Եբրայեցի, Յաղագս Ելից):
*Անմոլար շաւիղ, կամ գնացք վարուց (Գրիգոր Նարեկացի, Գովեստ առաքելոց, Գիրք պիտոյից):
*Անմոլար տեսութիւն, կամ գիտութիւն (Կիւրէղ Աղեքսանդրացի, Գիրք Գանձուց, Գրիգոր Լուսաւորիչ, Յաճախապատում գիրք ճառից, Գ):
ԱՆՄՈԼՈՐ (ի, ից կամ աց.) - Տ. ԱՆՄՈԼԱՐ՝ Որ չէ մոլար. ոչ մոլորեալ. անսխալ. անխոտոր. ուղիղ. ողջամիտ. *Առատացեալ անմոլոր (կամ անմոլար) հանճարով (Գիրք պիտոյից):
ԱՆՇԵՂ (ի, աց.), ԱՆՇԵՂԱԿԱՆ, ԱՆՇԵՂԵԼԻ, ԱՆՇԵՂԼԻ ա. Ոչ շեղեալ. ոչ թիւրեալ կամ միտեալ եւ խոնարհեալ ի կողմն ինչ. անխոտոր. անմէտ. ուղիղ. ուղղորդ. սեպացեալ. շիտակ. չիծռած: