ԳԱՅԹԱԳՂԻՄ (եցայ.) ձ. որ եւ ԳԱՅԹԱԿՂԵՄ, եցի, չ. Գայթելով գլիլ, գթելով գլորիլ. ընդհարկանիլ ընդ խոչ եւ ընդ խութս, եւ կործանիլ մարմնով եւ հոգւով. թակարթիլ յորոգայթ. պղտորիլ մտօք. մոլորիլ. խոտորիլ. սահիլ, գլորտըկիլ.
*Եթէ ոք գնայ ի տուընջեան, ոչ գայթագղի. ապա թէ ոք գնայ գիշերի, գայթագղի: Երանեալ է, որ ոչ գայթագղեսցի յիս: Իբրեւ լուան զբանն, գայթագղեցին: Յայնժամ գայթագղեսցեն բազումք: Թէպէտեւ ամենեքեան գայթագղեսցին ի քէն, սակայն ես ոչ գայթագղեցայց: Գայթագղի, կամ գթէ. եւ այլն:
*Զգոյշ լեր, գուցէ գայթագղիցես զնովաւ. Սիր. ԻԸ. 30:
*Թէպէտեւ գայթագղեսցի, նա մի կործանեսցի: Սակաւիկ մի եւ գայթագղեալ էին գնացք. Սղ. ԼԶ. 24. ՀԲ. 2:
*Եւ նոքա վասն իմ կեղծաւորեալ գայթագղեսցին. Բ. Մակ. Զ. 25:
*Առեալ ինչս բազումս՝ գայթագղեսցի առ կողմանսն. Նոննոս.:
*Գործ գայթակղելի. Վրք. հց. Ժ:
ԳԱՅԹԵՄ (եցի.) չ. ԳԱՅԹԻՄ. Գթել. գայթագղիլ. դրդուիլ. սայթաքիլ. անկանիլ. սկրդիլ, սահիլ, սխալիլ.
*Հարթեալք գայթեն. Փիլ. բագն.:
*Եթէ գայթիցի, առաւել եւս կործանեսցեն զնա. Սիր. ԺԳ. 29:
*Երանեալ է այր, որ ոչ գայթեաց բերանով իւրով. անդ. ԺԴ. 1: տես եւ ԻԱ. 8: ԼԴ. 20:
*Գայթէ, եւ ունի չարն զձեռանէ նորա: Անօրէնք գայթին եւ գայթագղին ի նոսա. Մծբ. ԺԲ. եւ ԺԲ:
*Գայթէ եւ տկարանայ յաղօթելն. Լմբ. պտրգ.:
*Զի մի անգոյիցն փութով ի հաստատնոցն եւ ի ճշմարտապէս էիցն սողոսկեալ գայթիցիմք. Նիւս. երգ.: