Գլանը պտտական մարմին է , որն առաջանում է, երբ ուղղանկյունը պտտում ենք կողմերից մեկի շուրջ : Գլանային մակերևույթը կոչվում է գլանի կողմնային մակերևույթ, իսկ շրջանները գլանի հիմքեր:
Գլանի ծնորդի երկարությունը կոչվում է բարձրություն, իսկ հիմքի շառավիղը գլանի շառավիղ:
Եթե հատող հարթությունն անցնում է գլանի առանցքով, ապա հատույթը կոչվում է առանցքային հատույթ: Առանցքային հատույթն ուղղանկյուն է, որի երկու կողմերը գլանի ծնորդներն են, իսկ մյուս երկուսը` հիմքի տրամագծեր:
Եթե գլանային մակերևույթը կտրենք AB ծնորդով և փռենք այնպես, որ բոլոր ծնորդները գտնվեն մի հարթության մեջ, ապա կստացվի ուղղանկյուն, որն իրենից ներկայացնում է գլանի կողմնային մակերևույթի փռվածք:
1. Գլանի ծավալը հավասար է հիմքի մակերեսի և բարձրության արտադրյալին:
2. Գլանի կողմնային մակերևույթի մակերեսը հավասար է նրա փռվածքի մակերեսին:
3.Գլանի լրիվ մակերևույթի մակերեսը հավասար է կողմնային մակերևույթի մակերեսի և հիմքերի մակերեսների գումարին:
Պրիզման կոչվում է գլանին ներգծած, եթե նրա հիմքերը ներգծված են գլանի հիմքերին:
Գլանը կոչվում է պրիզմային ներգծված, եթե նրա հիմքերը ներգծված են պրիզմայի հիմքերին:
Գնդային մակերևույթը կոչվում է գլանին ներգծված, եթե այն շոշափում է գլանի հիմքերը և բոլոր ծնորդները:
Գլանը կոչվում է ներգծված գնդային մակերևույթին, եթե նրա հիմքերը գնդային մակերևույթի հատույթներ են:
Դասերը, որոնց պատկանում է |
Ենթատեսակները |
Ոլորտում առկա հասկացողությունները |