1. Ըստ հին հունական մատերիալիստ փիլիսոփաների՝ բնության հիմնական տարրերը՝ կրակ, ջուր, օդ, հող, որոնք ընկած են բնության բոլոր երևույթների հիմքում:
2. Բնության երևույթներ՝ ուժեր, որոնք աչքի են ընկնում ահեղ զորությամբ, անհաղթահարելի՝ հաճախ կործանարար ուժով:
3. (հնացած և արևմտ.) Տարր: Օրինակ` որոշ չենք գիտեր, թե կնոջ մը սերը քանի տեսակ տարերքներէ կբաղկանա (Ա. Արփիարյան):
4. (փոխաբերական) Մարդուն ամբողջովին կլանող՝ նրա համար ամենահետաքրքիր միջավայր՝ զբաղմունք՝ երևույթ և այլն: Օրինակ` անտառը, - այդ իր տարերքն էր, իր կյանքը (Բ. Վերդյան):
5. (փոխաբերական) Այն, ինչով մեկը ուժեղ է կամ որի մեջ շատ հմուտ է: Օրինակ` նրա տարերքն է դասախոսելը:
6. (փոխաբերական) Հասարակական կյանքի հզոր երևույթ, մարդկանց կամքից անկախ՝ մարդկանց կառավարմանը չենթարկվող իրադարձություն՝ երևույթ: Օրինակ` կապիտալիստական մրցության տարերք:
7. (փոխաբերական) Անդիմադրելի՝ անկասելի՝ հզոր ուժով տեղի ունեցող երևույթ՝ իրադարձություն հասարակական կյանքում: Օրինակ` հեղափոխության տարերք:
8. (փոխաբերական) Բնություն: Օրինակ` Բրուտ Ավագը նստում Էր քարի գլխին, ինչպես մեկը այն հեքիաթային ձևերից, որ կերտել Էր մութ տարերքի քմահաճույքը (Ա. Բակունց):
9. (փոխաբերական) Կույր և հզոր զգացմունք կամ բնազդ, ենթագիտակցական հզոր մղում: Օրինակ`ատում եմ կնոջ՝ տարերքը կրքի (Ավ. Իսահակյան):
10. Երբեմն գործ է ածվում որպես <<տարր>> բառի գրաբարաձև հոգնակի՝ <<տարրեր>> նշանակությամբ:
Դասերը, որոնց պատկանում է |