1.Ժորովրդի իրավունքը' տնօրինելու իր քաղաքական, պետական, հասարակական, տնտեսական ու մշակութային կյանքը: 2.Ազատ լինելը, ազատ վիճակը: 3.ՈՒրիշ իշխանությունից զերծ' ազատ լինելը: 4.Ճնշումից' արգելքից արձակված լինելը: 5.Ազատների դաս: 6.Ազնվականի կոչումը' դիրքը: 7.Արտոնություն: 8.Ազատում: 9.Անկախություն քաղաքական ու տնտեաական: 10. Ինքնիշխանություն վարչական ու ապրելակերպի: 11. Փրկություն վտանգից:

     Translate using google

ԱԶԱՏԱԿԱՆՈՒԹԻՒՆ. գ. Ազատն գոլ. ազատութիւն. * Կորուսեալ զազատականութիւն իւր անազատութեամբ չարութեանն. (Ճառընտիր): Ազատ կամք, անձնիշխանութիւն. ինքնայօժարութիւն. * Որպէս թէ ոչ ունիցիս ազատականութիւն ի շնորհաց Հոգւոյն Սրբոյ: Զի փորձեսցէ զազատականութիւն կամաց միայնակեցին. (Վարք հարանց. -Բ): ԱԶԱՏՈՒԹԻՒՆ. գ. Ազատն գոլ. ազատականութիւն. ազնուականութիւն. իշխանութիւն. պատիւ. Օրինակ՝ * Ուր Հոգի Տեառն է, անդ ազատութիւն է: Սպրդեցին մտանել դիտել զազատութիւնն մեր` զոր ունիմք ի Քրիստոս Յիսուս: Զի դուք յազատութիւն կոչեցեալ էք եղբարք, միայն զի ազատութիւնն ձեր ոչ լինիցի ի պատճառս մարմնոյ. եւ այլն: * Որ սեպհական ազատութեանն է պայազատութիւն: Զոստանն անուանեալ կողմանցն այնոցիկ ազատութիւն.(Մովսես Խորենացի, Հայոց Պատմութիւն. -Ա. 2. 29): * Ոչինչ յիշեցին բնաւ զանուն փափկութեան մայրենի ազատութեանն.(Եղիշէ. Պատմագրութիւն նահատակութեան Սրբոց Վարդանանց և Ղևոնդեանց-Բ): * Հաստատեցին նմա ազատութիւնս: Ազատութեան պսակաւ պատուեալ. (Աւետարան ըստ Մարկոսի. -Ժ-Դ. 26: -Գ.Աւետարան ըստ Մարկոսի. -Գ.18): Անձնիշխանութիւն. ազատ իշխանութիւն կամաց. ինքնակամութիւն. հաճոյք. * Ունէր Ադամ ազատութիւն եւ անձնիշխանական կամս. (Ագաթանգեղոս, Պատմութիւն Հայոց): * Ի կամս ազատութեան մերոյ գործեցաք զանարժանս: Ցաւովք` որ ոչ ի կամս մերոյ ազատութեան է. (Եղիշէ, Պատմագրութիւն նահատակութեան Սրբոց Վարդանանց և Ղևոնդեանց -Ե. -Ը): * Առնելն եւ ոչ առնել` ի կամս ազատութեան իւրաքանչիւր անձին է.( Ներսես Շնորհալի թուղթ ընդհանրական): Անկախութիւն. անպարտութիւն. ապահարկութիւն. իրաւունք: * Իսկ ընդէ՞ր բնաւ ազատութիւնս իմ դատիցի յայլոյ խղճէ մտաց. (Աստուածաշունչ, Կորընթացիների ընդհանրական թուղթ. -Ժ. 29): * Սիրեցի զՏէր իմ, եւ ոչ գնամ յազատութիւն.(Ելից գիրք. -Ի-Ա. 5): * Ազատեսցին ի ծառայութենէ մեղացն այնու ազատութեամբն, որ ի վեր է քան զամենայն ազատութիւնս. (Ագաթանգեղոս. Պատմութիւն Հայոց): * Զազատութիւն եկեղեցւոյն արկանէր ի ծառայութիւն. (Եղիշէ. Պատմագրութիւն նահատակութեան Սրբոց Վարդանանց և Ղևոնդեանց -Բ): * Ազատութիւնս քահանայական. (Գրիգոր Մագիստրոս, թուղթք առ զանազանս . -Ժ-Դ): Համարձակութիւն. աներկիւղութիւն, եւ յանդգնութիւն. * Ազատութեամբ խօսիցի զհաւատն` որ ի Քրիստոս: Այն որ յայտնապէս խօսէր եւ ամենայն ազատութեամբ. (Երկմասնեաեւ բաղադրեալ թարգմանութիւն՝ թարգմանեաց Կիրակոս Վարդապետ): * Դարձուսցե՛ս յետս զաչս քո, զի մի՛ տեսցես զունայնութիւն. զի ազատութիւն սատակիչ է անձին (Վարք Հարանց. -Ժ-Բ): Ազատիլն. զերծումն. փրկութիւն. ելք ի գերութենէ, ի ծառայութենէ, եւ յամենայն նեղութեանց. * Ազատեսցին ի ծառայութենէ ապականութեան յազատութիւն փառաց Որդւոյն Աստուծոյ: Ազատութեամբն` որով Քրիստոս զմեզ ազատեցոյց: Նոցա ազատութիւն խոստանան, եւ ինքեանք ապականութեանն ծառայք են. եւ այլն: * Զեկուցանէր համօրէն զփրկութիւն եւ զազատութիւն ազգին. (Մովսես Խորենացի, Գիրք պիտոյից): * Ազատութիւն յերկուց ախտից շնորհեաց. (Խոսրով Անձևացի, Մեկնութիւն գրոց ժամակարգութեան): * Քո վճիռն ազատութիւն է. (Գրիգոր Նարեկացի, Մատեան Ողբերգութեան. -Խ-Գ): Առատաձեռնութիւն. ազատականութիւն. * Այնպիսին է ազատութիւն, որ ոչ յանչափս եւ յանօգուտս ծախիցէ, եւ ոչ ի հարկաւորսն ժլատիցի. (Գրիգոր Նիւսացի, Գիրք ի գովեստ կուսութեան): * Ի յորսալն զմեզ ի զեղխութիւն` ասէ, թէ այս ազատութիւն է. (Ներսէս Լամբրոնացի. Մեկնութիւն սաղմոսաց Դաւթի): Ազատաբարոյութիւն. մեծանձնութիւն. * Զարմացեալ ընդ քաջութիւնն եւ ընդ ազատութիւնն. (Փաւստոս Բիւզանդ, Պատմութիւն Հայոց . -Ե. 2):

     Translate using google