Վերցնենք հարթության վրա ուռուցիկ բազմանկյուն, և այդ հարթությունից դուրս գտնվող կետ: Միացնելով այդ կետը բազմանկյան գագաթներին կստանանք բուրգ:
1. Վերը նշված բազմանկյունը կոչվում է բուրգի հիմք, իսկ հարթությունից դուրս գտնվող կետը կոչվում է բուրգի գագաթ : 2. Բուրգի գագաթով և հիմքի կողով կազմված եռանկյունաձև պատկերները կոչվում են կողմնային նիստեր : 3. Բուրգի գագաթը բազմանկյան գագաթներին միացնող հատվածները կոչվում են կողմնային կողեր: 4. Եթե բուրգի հիմքը եռանկյուն է, բուրգը կոչվում է եռանկյուն բուրգ(քառանիստ), քառանկյուն է` քառանկյուն բուրգ, հնգանկյուն է` հնգանկյուն բուրգ և այլն : 5. Բուրգի գագաթից հիմքին իջեցրած ուղղահայացը կոչվում է բուրգի բարձրություն : 6. Կանոնավոր բուրգ է կոչվում, այն բուրգը , որի հիմքը կանոնավոր բազմանկյուն է իսկ բարձրությունը անցնում է հիմքի կենտրոնով : 7. Բուրգի ծավալը հաշվում են հետևյալ բանաձևով V = 1/3*h*S, որտեղ հ-ը բուրգի բարձրությունն է , Տ-ը հիմքի մակերեսը : 8. n-անկյուն բուրգը ունի 2*n կող, որից n-ը հիմքի կողերն են , n-ը կողմնային կողեր: Այդպիսի բուրգն ունի n+1 գագաթ և n+1 նիստ, ընդ որում նիստերից մեկը հիմքն է , իսկ n-ը կողմնային նիստերը :
Դասերը, որոնց պատկանում է |
Ենթատեսակները |
Բաղադրիչ մասերը |
Ոլորտում առկա հասկացողությունները |