[կապ] Ցույց է տալիս՝

1. Այն առարկան՝ տեղը, որի ցածի մասում կա գտնվում է մեկը՝ մի բան կամ կատարվում ՝ որևէ բան, ներքո, ներքև: Կանաչ, վիթխարի ընկուզենու տակ... միասին բազմած, մի շրջան կազմած քեֆ էին անում (Հ. Թումանյան):

2. Այն առարկան երևույթը ևն, որին ենթարկվում է մեկը կամ մի բան: Պատասխանատվության տակ ընկնել: Դատի տակ եղել եք: Մի մասը դրեց Արտակի հրամանատարության տակ (Դ. Դեմիրճյան):

3. Այն անձը՝ երևույթը, որի հովանավորությանը՝ պաշտպանությանը՝ խնամքին է ենթարկվում մեկը կամ մի բան: Կուզեմ... գրանիտե բազուկիս տակ պաշտպանել սեռդ և գեղդ անժպիտ (Դ. վարուժան):

4. Գործողության ուղղվածությունը դեպի մի բանի խորքը՝ հատակը: Թե ձին և թե ձիավորը սկեցին ջրի տակ (Րաֆֆի):

5. Այն տարածությունը՝ տեղը, որի ներսում գտնվում կամ կատարվում է որևէ բան: Մի՛ որոնիր մի ժամանակ արհամարհածդ այս կրծքի տակ (Հ. Թումանյան):

6. Այն առարկան, որի առջև` դիմաց մի բան տեղի է ունենում: Պատուհանիս տակ ողբում է քամին:

7. Այն առարկան, որի ծանրության՝ ճնշմանն է ենթարկվում մեկը կամ Մի բան: Հոգսի տակ կքել է: Հոն կապանքի տակ հայրենիքն ունի հանճար մողջակեզ (Դ. Վարուժան):

8. Այն առարկան երևույթը, որով մեկը քողարկվում՝ ծածկվում՝ պահվում է: Վախկոտները թաքնվում են վահանի տակ, քաջերը կռվում վահանով:

9. Այն առարկան, որի ստորին մասին՝ ստորոտին կից կամ մոտ գտնվում է՝ տեղի է ունենում մի բան: Նստել Էր դռան տակ դրված քարին: Սարի տակ խաղում էին երեխաներ:

10. Այն առարկան, որի գործողությանը ենթարկվում է մի բան: Եվ մանգաղին տակ հունձքը ձեր կը փոխվի ճանանչներու (Դ. Վարուժան):