1. Ժառանգական իրավունքով տիրանալ՝ տիրել, իբրև օրինական հաջորդ՝ ժառանգական իրավունքով ստանալ: Թագը ժառանգել:

2. Ժառանգություն ստանալ: Առաջինները գիտեին, որ այնուամենայնիվ պիտի ժառանգեն հայրական կալվածքը (Ա. Բակունց):

3. Ժառանգականությամբ ստանալ՝ կրել իր մեջ: Համառեց Ողիմպիան, որ ըստ երևույթին ժառանգել Էր հոր մտքի համառությունը (Դ. Դեմիրճյան):

4. (փոխաբերական) Ձեռք բերել, ստանալ, տիրանալ: Սիրել և չժառանգել (Մուրացան):

5. (փոխաբերական) Նախորդներից որպես ավանդ ստանալ: Մենք ժառանգեցինք մեր նախնիներից մի հարուստ ու բազմաբովանդակ գրականություն, մեր պարտքն է զարգացնել այն և փոխանցել մեր հաջորդներին:

6. (փոխաբերական) Յուրացնել, մեկից սովորել և նրան հետևել: Լեռ Կամսարը Պարոնյանից ժառանգեց երգիծանքի անողոք ճշմարտությունն ու սրությունը:

7. Ժառանգություն թողնել, իբրև ժառանգություն ավանդել: Նա մեծ հարստություն ժառանգեց իր որդիներին:

8. (փոխաբերական) Համարվել, ճանաչվել որպես, արժանանալ որևէ կոչման՝ հորջորջման՝ համբավի: Նա դավաճանի անարգ անունը ժառանգեց (Րաֆֆի):