1. Մարդու,կենդանիների,բույսերի կենսագործունեության ողջ տիրույթը որպես մի ամբողջություն: 2. Մատերիայի բոլոր ձևերի ամբողջությունը որպես մի միասնություն: 3. Երկրագունդը, երկիրը իր վրա գոյություն ունեցող բոլոր բաներով: 4. Երկրամաս, առանձին երկիր, որևէ ժողովրդի գրաված երկրամասը: 5. Կենդանական ու բուսական էությունների ամբողջությունը: 6. Մարդկային հասարակությունը որպես որոշ հասարակարգ: Կապիտալիստական աշխարհ: 7. Կյանքի որևէ ոլորտ կամ բնության երևույթների որևէ բնագավառ: Կենդանական աշխարհ: 8. Մարդու հոգեկան կյանքը՝ ներքին էությունը: Սիրում էի մտքի աշխարհը: (Հ. Հովհաննիսյան): 9. Մարդկային գործունեության որևէ բնագավառ: Արվեստի աշխարհ: 10. Կյանք, կյանքի վայելք: Թաղվել է աշխարհի ու աշխարհական մեղքերի մեջ: 11. Կյանքը, օբյեկտիվ իրականությունը: Աշխարհը իրեն ճամփով կընթանա (Ավ. Իսահակյան): 12. (փոխաբերական) Շրջապատ, միջավայր: Գող ու ավազակների աշխարհն է ընկել: 13. (հավաքական) Մարդիկ, մարդկություն: Ֆաշիզմը իր ոստայնն Էր հյուսում տարբեր երկրներում, իսկ աշխարհը դեռ անտարբեր էր մնում: 14. (հնացած) Գավառ, նահանգ: 15. (հնացած) Երկրային կյանքն ի հակադրություն երկնայինի (կրոնական պատկերացումներով): 16. (ժողովրդական) Սեռական հոլովը՝ աշխարհի կամ աշխարհքի, գործածվում է ածականի նշանակությամբ? չափազանց շատ, խիստ մեծածավալ իմաստով: Աշխարհքի ծաղիկ առա և պատվիրեցի ծաղկազարդել ամբողջ տունը (Հ. Սենկևիչ):

17. Այն ամենը, ինչ որ Աստծո կողմից ստեղծվել է:


    Translate using google